Bianca Dorato

Vent e lus

Ël vent a passa sij malezzo d’òr
póer ëd lus a ven giù da le rame
lus am ven an sle giàute e ’n sij cavèj
am ven a j’euj antant ch’i von marcianda

E a j’é na vos che a ven d’amont, na vos
che vent e lus a san – miraco ’n gëmmi
’d fumela spersa che a sërca soa pas
e n’àutra vos da rochere daleugne
tan dossa ’d susta an ciamanda a-j rëspond

O miraco, a l’é mach andrinta al cheur
che vent e lus a arson-o, e a lo fan grev
ëd gòj e ’d lerme. A j’é già, là sël còl,
la fiòca neuva che a bërleusa, e a ciama
d’àutre fiocade: e belessì ’nté i ston
l’òr dij malëzzo a cheurbe ’d lus la tèra
e ’s bram d’amor. E già l’invern a riva.

*

Il vento passa sui larici d’oro
pulviscolo di luce scende dalle fronde
luce mi viene sulle guance e sui capelli
mi viene agli occhi mentre vado camminando

E c’è una voce che viene dai luoghi alti, una voce
che vento e luce conoscono – un gemito, forse
di femmina bramosa che cerca la sua pace
ed un’altra voce da rupi lontane
così dolce di desiderio chiamando le risponde

O, forse, è soltanto dentro il cuore
che vento e luce risuonano, e lo fanno greve
do gioia e di lacrime. C’è già, là sul colle,
la prima neve che sfavilla, e chiama
altre nevicate: e qui dove io sto
l’oro dei larici a coprire di luce la terra
e questo grido d’amore. E già viene l’inverno.

Bianca Dorato
I lenti giorni
Poesie 19842006
a cura di Anna De Simone
presentazione di Giovanni Tesio
Fabrizio Serra Editore 2008